رومانسية رجاجيلنا هع هع ..و بعد هع !!

[غزاله ما تنصاد]

رومانسية رجال السعوديه


وترا مو كلهم البعض منهم ولا الغالبيه العظمى يسوون قبايل وأولهم بعلي الحبيب ( لا خلا ولا عدم )

بس المسأله للتسليه ولأدخال السرور ( ليس الا )

قصص رومنسيه عن الزوج السعودي


لا يخفى على كثير من المتزوجات منكم حاجة الزوجة للتعبيرعنالحب بهمسة او نظرة حنان من زوجها العزيز
لكن أحيانآ تحقيق هذا الشيء يعتبر اصعب من حل أصعب معادله وابعد من المريخ بسبب طبيعة بعض ازواجنا المماليح ...وعزة نفسهم اللي تخليهم يعتقدون ان
التلميح بالحب واتخاذ الرومانسيه أسلوب في التعامل هو ضعف وتصغير من قدرهم
وانا بصراحة ما الومهم ...الوم سياسة (ياعيباة وياخزياة )اللي خلقت رجال ( الثلج )اللي عندنا .



وحده تقول:
صديقتي زوجها سافر لدوره في بلد آخروأصابتها موجه من الرومانسيه وتروح وتحط له بكل بذله رساله وورد مجفف بالأضافه لذيك الهديه اللي تعبت بتغليفها وتقعد المسيكينه

على أحر من الجمر تنتظر ردة الفعل والكلام الحلوا اللي بيقوله لها الا يوم جاء وعيونه تتقادح من الشرر (أبوك ياللغه )وزعلان ويرمي علي كلمه خلت الدمع ينهمرمن عينها وش اللي سويتيه خليتي أصحابي يتريقون علي كل ما البس بدله الا ويطيح منها اوراق وورود مجففه !! قالوا وش فيك ياابو الشباب صاير كنك عامل بلديه ماغير تلقط في الاوراق والا الهديه!! الحمدلله اني شفتها قبل ماحد يشوفها وحطيتها في السياره ومافتحها الايوم رجع البيت #0#


الثانيه تقول:
في ولادتي الاخيره جاني نزيف وجلطه وبعد الولاده جلست في العناايه والدكتور يقول لزوجي اذا تحب زوجتك انسى الاطفال اقل شي 5 سنوات لين تستقر حالتها يوم بديت اصحصح من البنج وكنت اتالم عمليه ونزيف والقاه فوق راسي
وتطمن علي وبكل رقه قال قولي اميييييين
عاد انا فرحت قلت اكيد بيدعي لي ان الله يعافيني واني ازوج بنتي او ان الله يخليني له
قلت انا بكل حماس امييين
قال جعل ما تدور السنه الا انتي هنا في هالغرفه جايبه بيبي ثاني خخخخخ
قلت ياخي تجمل اصبر على الاقل لين يطلعوني غرفتي اما تدعي علي وانا في العنايه تبيني السنه الجايه اروح فيها *0*


ذي تقول::::::::::::

زوجي دايمآ محطوط على الصامت مادري يوم ولدته امه صااح او لا مع اني ماضنيت انه صااح خخخخ
البس اتزين اصبغ مره شقرا مره حمرا مره احط برونز بنتي ام ثلاث سنين قالت ليه( يامام )انتي سودا خخخ وزوجي مافي اي ملاحظه او تعليق
ودايم اقوله اقص شعري؟ اقلد هالحريم يمكن يحس
يقولي لااا لاتقصينه ابزعل عليك وهو شكله بعد يقلد الرجاجيل خخخ
ميير ذاك اليوم ارووح اقصه او بمعنى اصح اعرمه قصير مره واسوي هاي لايت
وطول الطريق متحمسه اقول في نفسي الله يستر لايزعل يوم قصيت شعري
<<< يوم وصلت البيت وادخل لين الشيخ ماسك الريموت ويقلب فيه واجي وانا مرتاعه واجلس الرجال ماحكى
احسبه زعل الله يخلف على قلبي خخخخخخ
اثاريه مانتبه لشعروانا الي التفت عليه واهد فيه انت ماتحس ماتشوف علمني ماتعب نفسي واتزين لك حرام الخساير خخخخخ

مير تتناقز العنز بوجهي من الزعل
قال لا بالعكس انتبه
قلت طيب ياخي شجع امدح لو كذب قل رائيك
مابعد جتكم المصيبه
عقبها بكم يوم كلمني وانا برا البيت قال وينك قلت في المشغل انا اقصد مشغل خياطه
هو يحسب قصدي كوافير
اول مادخلت مع الباب قال زوجي الله وش هالزين وش هالحلاوه
انا طارت عيوني^-^
واطير اركض للمرايه اشوف وجهي ليني شهبه لهبه حتى الكحل مهوب في عيوني والشعر لازق في الراس عقب النقاب
وارجع له وانا ماش ماني مستوعبه
قال لي بصراحه نيو لك مره حلو
ابو الشباب مستمر في النصب
قلت وشو انت وش تقصد اي تغيير
انقلب وجهه قال انتي وينك من شوي
قلت في المشغل
رجع لون وجه يرد قال ايه محلوه وش سويتي
قلت ضوقت فستاني خخخخخخخ
طمر دخل الحمام مادري ليه عاد هل بطنه حله خخخخخخخ او ماله وجه يشوفني او من الروعه



اخت تقول:::::

مرة شريت شموع والله انا نفسي ماقتنعت بس صديقتي كانت معي بالسوق ولزمت علي أشريها
المهم بعد ماعلمتني طريقة توليعها ووين أحطها بغرفتي <<<<<< أخبرها إذا طفا الكهرب وبس
عطرت الغرفة وولعتها دخل أبو الشباب وعلى طول ولع اللمبات كلها المشكلة ثريتي ام خمس ] وقال ليش مولعتها هو الكهرب كان طافي [
لاعادت عليها من شموع ومن رومانسية
قلت لا بس أجربها هي تشتغل ولا لا <<<<<< امحق رد حاشا صارت جهاز مو شمع





وحده تبي تسوي ليله لوباقي ليله على ما قالو...وحاطه شموع وحاله يوم وصل سبع البرمبه....وإلا يقول الله يقطعك خنقتينا بثاني أكسيد الكربون ....الأخ مدرس علوم ...تقول من عقبها حلفت وقلت التوبه....




والاخت اللي معها تحمست وقالت:::::
جارتى كانت والدة جديد وجلس زوجها يتفكر بالولد لية عيونه كذا وفمة على مين يخرع
ورا اسود؟
وخذ يعدد اقبح الخصال واخر شئ التفت على الام وقال
ما كنه يشبهك؟؟
تقول لنا لحظة قالها مت صياح وهى نفاس
<


وحده قالت:
موقف رومنسي مع زوجي العزيز ^0^ خلوني اتذكر:::
كنا مسافرين برا وقاعدين نتمشى بمكان رايق وهادي ومافي احد غيرنا
قام يتلفت بعدين قال ترى مافيه الا انا وانتي
انا تحمست قلت اكيد بينتهز الفرصه عشان ياخذ راحته معاي ولا يقوللي كلمه حلوه ولا بوسه.. اي شي!
قال
لو ( ذبحتك ) هنا والله محد بيدري عني !!!!



اللـــــــــــــــــه يخلف علينـــــــــــــابس ع.. كذا رومانسيه &-&




منقول بتصرف ل لفائده

[دلع نادر]

هههههههههههههاي هههههههههههههههههاي
الله يسعدك غزاله ...عن جد شي يضحك ..!
بصراحه والحق ينقال الرومانسيه ناااااادره بين الرجال

المشكله اذا كان الرجال رومانسيالاغلبيه يتزوج وحده ماتدري شو الرومانسيه اه بس اه ثنائي مضحك جدا ...!

والرمانسيه المسيكينه مايجي حظها الا على واحد جلللللللللللللللف <<اولهم دلع ..

يعطيك العافيه يالغلا

[قاطف الورد]

خلاص بلا حش في رومنسية السعوديين الحمد لله سحالي وقامو يحشون في التماسيح المساكين ههههههههههههه
طيب وش رايك انهم اختارو احسن رومنسي في العالم واحد سعودي المشكله انه جالس جنب الناقه حقته ويسلم عليها هههههههه
الله يقطع شكلك والله لونها مرتك مابوستها كل هالبوس جلف من صدق تلقين مرته تقول ياليتني ناقه في حوشه هههههههههههههههه
تقبلي مروري غزاله وخالص شكري ولا تحكمين على الكل انا اقولك في نسبه ولاكن الاكثر قلوبهم نظيفه ومخلصين في حبهم

[الأمـ مذهل ـيـر]

شكرآ يالغلاا لاهنتي

[منمن الديابية]

شكرا غزالة على الموضوع الجميل
لكن المشكلة إن كل رجال العرب يعتبرون الرومانسية ضعف
بس أخر قصة ضحكتني جدا كل همو يذبحها هههههههههههه