كبسه لحم وياها سر صغير لذيذه ...

[°~*§¦§ أحلــ دلع ـــى §¦§*~°]

[/url]


(http://www.mrkzy.com/download.php?filename=6910882b24a8.gif)

اليوم سويت كبسه لحم وانا رايقه ولاحظو (وانا رايقه )خخخخخخخ

المقادير والطريقه مع بعض (نوفر بالحروف ههههه ......

انا سويت لحم تويس صغير احلى واخف والي بيي لحم خروف عادي الي تحبين ...

في البدايه اغسلي اللحم زين ..

حطي قدر كبير نصه ماي الين يغلي اول مايغلى حطي اللحم فيه وطلعي الزفاره منه كل ماتكونت شيليها لين تشوفين الماي يصفى ...

اضيفي البهارات ...ملعقتين بهارات مشكله انا استخد الي بالعلبه الخضره الهنديه الي مرسوم عليها سفينه ...وباقي البهارات حب مو مطحونه ..(شويه فلفل اسود + عودين قرفه + ورق غار +ورق كاري (اختياري ) كمون وزنجبيل وملح اليمون )..

وحطي نص ليمونه بقشرها ...وصكي القدر لمده ساعه ونصف تقريبا ..او الى ان ينضج اللحم ..

قبل لاينضج بشوي حطي الملح لاتحطينه قبل علشان ماييبس اللحم ...

واضيفي البقدونس ...

اول ماينضج اللحم صفي المرق وخليه على جنب ..

خذي اللحم وادهنيه بماي ورد مع زعفران ...

ودخليه الفرن يتحمر بس اول مايتحمر غطي بقصدير وخليه بالفرن ..

نجي للرز طبعا انا احب رز الوليمه يعجبني ...

ومره سويته برز ابو كاس بعد طالع لذيذ ...

انقعي الرز بس مو كثير
نجي للسر
حطي المرق على النار واول مايغلي حطي ثلاث شرايح برتقال تعطي طعم لذيذ للرز



اضيفي الرز ولا تحركينه كثير ..
وغطيه بالقصدير عدل وخليه يتسبك ...

[url=http://www.mrkzy.com/download.php?filename=afa7e3485b3f.gif] (http://www.mrkzy.com/download.php?filename=02d2323fbef0.jpg)

[°~*§¦§ أحلــ دلع ـــى §¦§*~°]

نجي للحمسه ...

[/url]

3 بصلات حطيهم بمقلاه بدون زيت احمسيهم بشويه ماي يعني كل مانشف رشي رشه ماي بس وبعدين الرشه مو بكاس رشه خفيف باطراف الأنامل الذهبية بس لين يبدا يتحمر البصل وبعدين حطي شويه زيت ملعقه ملح وملعقه ( لومي) ليمون اسود مطحون وشويه بهارات واخلطيه زين وحطي معاي صنوبر وزبيب مقلي ..
وقت الغرف
حطي الرز وفوقه قطع اللحم وشمي الريحة وهو مدهون بموية الورد والزعفران تسطل الراس <<<<عن تجربة
وبعدين حطي حواليه الحمسة <<<<<لاتصدقين عمرك وتحطين شرايح البرتقال نتخلص منها بعد ما تنشف الموية من الرز
و أخيراً نزين الرز بشويه بقدونس مفروم ....

(http://www.mrkzy.com/download.php?filename=a898021537f5.jpg)

قدمتها مع صحن فتوش

ملاحظة : ممكن أيضا تسوينها بالدجاج جربوها وأدعولي

وبالعافيه

[url=http://www.mrkzy.com/download.php?filename=265363862b01.gif] (http://www.mrkzy.com/download.php?filename=f3e3f17e087a.jpg)

[عبيير]

بصرااحه يم يم شكلها لذييذه تسلم اناملك اختي
واتحفينا بجديدك دااااااااااااائما

[°~*§¦§ أحلــ دلع ـــى §¦§*~°]

ترى والله مجهودي في مواضيع الطبخ وما أحلل أي احد الا إذا كتبت منقول والمصدر

[شايب رومانسي]

قمة الذووووووووووووووق لانها اكلتي المفضلة سلمت الايادي

[°~*§¦§ أحلــ دلع ـــى §¦§*~°]

سلمت أخوي شايب

[°~*§¦§ أحلــ دلع ـــى §¦§*~°]

نسيت الحلى
رز بالحليب
قدمته معاهم على السفرة


هني على قلوبكم

[بنت عز]

تسلمي حبيبتي ولاتحرمينا

[بنت وايل]

ماشالله مبدعه تسلم يدينك سعابيلي قطرت حرام عليك

[°~*§¦§ أحلــ دلع ـــى §¦§*~°]

[ضــارب]

الله يعطيك العافيه على هالروائع اللي نشوفها ..تسلم ايدينك
واشكر جميع الاخوات اعضاء مطبخ منتدانا (بنات فن )
تقبلي مروري

[جمااانة]

تسلم الايادي والله

[°~*§¦§ أحلــ دلع ـــى §¦§*~°]