السر في عجينة(smsm)السحريه ..لعيونكم ولعيون فديت زوجي

[smsm]

(عجينتي تصلح لجميع الأصناف فطائر بيتزا واللزي منه)..
أولا قومي على الخلاط وحطي فيه(فنجان سكر+ربع ملعة صغيره ملح+بيالة زيت+كاس حليب عباره عن 5ملاعق حليب نيدو مع مويه دافيه+كاس مويه دافي+ملعقه كبيره ونص من الخميره)بس اهم شي لازم تقومين عليه
واضربيها اضربيها واجلدي ابو ابوها بالخلاط الين ماتقول بس..
بعدها صبيها في زبديه بلاستك وحطي عليها 2-3 كاس دقيق الكويت..

واخبطيها واعجنيها واخبطيها واعجنيها واخبطيها إلين يدوخ راسهاتخيلي انك في مصارعه حره ، بعدين سوي لها حمام مائي ..يعني حطي صحن كبير فيه مويه حاره وحطي الزبديه فوقها هذا في الشتاء بس في الحر غطيها وطلعيها بالشمس لمده 4/1إلى2/1ساعه تلقينها صارت كأنها قطن من خفتها ونعومتها..زي يديكو الناعمه..

وشوفو ترا سر نجاح العجينه..من خلال خبرتي 27سنه وحده نصابه. واللي الكل يسألني عنها من موظفات وزميلات وقرايب هو كالتالي...
*لازم الخميره تذوب اذا ماذابت تطلع مش اوي..
*ضرب العجينه وخبطها وتصفيقها وحوس أبو ابوها..هو سر هشاشتها.
*حليب النيدو البودره سبب في هشاشة العجينه.
*لاتخلينها تطول تخمر عشان ماتطلع فيها ريحة الخميره.
*بعض الناس يحطون بيض وأنا ماافضله بالعجينه عشان ماتطلع ريحته بالعجينه.
*السكر يخلي للعجينه لمعه لاتنسونه.
*الزيت له فايده ماتتلزق العجينه..
*اللي بتحط معها بكينج باودر مافيه مشكله بس على شرط ماتكون عجينه للبيتزا
وهذي عجينتي من عمر الدنيا وطول عمرها ماخربت معي الحمدلله وكلن يسألني وش طريقتك وش طريقتك..لأنها تطلع بيضاء وناعمه وهشه وزي الورده بس عاد ماادري وشو وجه الشبه..بس أقصد أن عجينة سم سم احل عجينه

يطيب اللقاء مع الشيفه/سمسم
لاستفساراتكم لاتترددو..على الخاص اللي تستحي تسأل

[محرومهh]

تسلم يديك ياسمسم على هذا النصيحه الحلو وراح أجربه اليوم
لان عندي فطور

[*بنوته قلبها فاضي*]

يسلمو دياتك ياحــبوبه..
تصدقين عاد قبل يومين تقول لي أمي تبي طريقه عجينه..سهلتيها لي الله يسهل أمورك يالغاليه..
أوعدك لأجربه وأقول لأمي هذي عجينه سمسمه وبتدعي لك:)..
أكيد ما نستغني عنك يا (شيفتنـــا)<<حلو الاسم:D

[smsm]

الله يسلمك يالغاليه...تحتاجين شي والا شي تراني بالخدمه والا تدرين خلي المعجنات كلها بانواعها علي..ولايهمك نفزع لك كم عندنا من محرومه

[smsm]

يسلمو دياتك ياحــبوبه..
تصدقين عاد قبل يومين تقول لي أمي تبي طريقه عجينه..سهلتيها لي الله يسهل أمورك يالغاليه..
أوعدك لأجربه وأقول لأمي هذي عجينه سمسمه وبتدعي لك:)..
أكيد ما نستغني عنك يا (شيفتنـــا)<<حلو الاسم:D

شوفي سوي على بالك عند امك وسويها لها وقولي من اختراعي عشان تمدحك عند الناس وتقول بنتي سنعه ويخطبونك..كككك عاد اعزميني ترا لولا الله ثم عجينتي مااعرستي..

شيفتكم هاااااااه طيب اوريك خلاص بسحب العجينه واخليك تقعدين بها من دون عرس..ككك
والله يسهل امورك بعد يالغاليه نورتي

[smsm]

وش سويتو بالعجينه ،،هذا وجهي إن كان وحده منكم ضبطتها..يالله اللي جربوها يبشروني.

[البتول]

أقول سمسومه أنتي مسويه عجينه في المطبخ ولا في منتجع تجميل خخخخ حمام مائي وشمس حركات والله بس أقول تري فعلاً سر العجن زي ماقلتي وأن الماء للعجن يكون دافي هذا أهم شيء أكبر منك بيوم أعرف منك بسنه مسويه شيف من قبلك ههههههه ...تقبلي مروري

[شايب رومانسي]

متميزة بنتي الغالية لكن انا ودي اسوي منافسة بينك وبين فديت زوجي لانها تمدح نفسها بالعجينة والطبخ
وابيك تطلعين الخبرة كلها وبيضي وجه ابوك

[smsm]

أقول سمسومه أنتي مسويه عجينه في المطبخ ولا في منتجع تجميل خخخخ حمام مائي وشمس حركات والله بس أقول تري فعلاً سر العجن زي ماقلتي وأن الماء للعجن يكون دافي هذا أهم شيء أكبر منك بيوم أعرف منك بسنه مسويه شيف من قبلك ههههههه ...تقبلي مروري

ههههه الحمدلله لقيت شيفه غيري..

[smsm]

متميزة بنتي الغالية لكن انا ودي اسوي منافسة بينك وبين فديت زوجي لانها تمدح نفسها بالعجينة والطبخ
وابيك تطلعين الخبرة كلها وبيضي وجه ابوك

تلعب عليك يابابا فديت زوجي أصلا هي سارقتها مني وجت تتفشخر عليكم صدقت عمرها بعد ماضبطت معها وكلو من مجهودي،،،ولايهمك أبوي أبيض وجهك بنتك ماينخاف عليها تنافس مطبخ منال العالم..يسلم لي مرورك

[فديت زوجي]

تسلمين سمسومة على هالعجينة الحلوة :D

<<< ولمت مقاديرها تبي تعجنها ;)

بس على الله تطلع معي صح وتختمر مو زي كل مرة :(

[smsm]

تسلمين سمسومة على هالعجينة الحلوة :D

<<< ولمت مقاديرها تبي تعجنها ;)

بس على الله تطلع معي صح وتختمر مو زي كل مرة :(

بشريني على مابعد التوليم،،والا التوليم امره هين...
ابي اشوف صورتها بعد الخبز(مافيه مفر تلعبين علينا وتقولين ضبطت معي وهي يابسه)

[سر الاحساس]

تسلمين سمسم نفس فكرة العجينه اللي اعملها دائما بأختلاف نسب المقادير

تقبلي مروروي

[المتوكل على الله]

أبجربها..

أبقول لزوجتي عند خلطه خووووش...

وياويلك وسواد ليلك لو ماضبطت...

ههههههه

مشكوره..

من صدق نقلته للمعزبه

[smsm]

تسلمين سمسم نفس فكرة العجينه اللي اعملها دائما بأختلاف نسب المقادير

تقبلي مروروي

الله يسلمك يالغاليه..زين فيه سنعه غيري هههه

[smsm]

أبجربها..

أبقول لزوجتي عند خلطه خووووش...

وياويلك وسواد ليلك لو ماضبطت...

ههههههه

مشكوره..

من صدق نقلته للمعزبه

ههههههه والله تبي الصراحه انا مااضمن نجاحها من قبل يدين خشنه ،،بس انتبه تكفى الا الشعر لايجيها..
وزين والله تساعد المدام بس دور شي ثاني غير العجينه،،لف سمبوسه ممكن ينفع للرجال..
مشكوووووووووور مرورك اخوي.

[المتوكل على الله]

وزين والله تساعد المدام بس دور شي ثاني غير العجينه،،لف سمبوسه ممكن ينفع للرجال..
مشكوووووووووور مرورك اخوي.


هههههههههه

كأنك معنا

جربت لف سمبوسه طلع المثلث مربع...

والله عجزت...

فقط أضبط الأكل..

خوووووووووووووووووووووووش ريال.. على قولة الكويتيين...

[smsm]

هههههههههه

كأنك معنا

جربت لف سمبوسه طلع المثلث مربع...

والله عجزت...

فقط أضبط الأكل..

خوووووووووووووووووووووووش ريال.. على قولة الكويتيين...

هههههههههههه والله انكم فلللللللللللله الله يخليكم لبعض يارب ويسعدكم ويعمر قلوبكم بطاعته.

[نونوm]

صادقه سمسم العجينه رهييييييييبه نفس طريقتي بس فيه اختلاف بسيط حتى زوجي صار يطلب دايم معجنات

[smsm]

صادقه سمسم العجينه رهييييييييبه نفس طريقتي بس فيه اختلاف بسيط حتى زوجي صار يطلب دايم معجنات

بالعافيه على قلبك انتي وزوجك،،،بس نصيحه لاتخليه يكثر من المعجنات لانها نشويات وترفع نسبة السكر بالدم ،،احرصي حبيبتي على صحتكم ويسلم لي مرورك العسل.

[آه منه]

هذاك اليوم امي قنصتني وانا اقرا موضوعك وجابت ورقه وقلم وسوتها وطبقتها بحذافيرها .. طلعت بيتزا تجنن


وقالت لي اشكري خويتك سمسمه المسمسمه.. منوين جابت خويتي مدري بس انتي اختي غصب عنك << عجييب قويه البنت


الموهيييييييييم كل نسوان العيله معهم الطريقه واسمها طريقه سمسم .. يابختك انشهرتي


اشكرك حبيبة قلبي .. لاخلا ولاعدم ان شاء الله

[اتقوا الله]

شكرا

[حلم وردي]

افا ياسمسة انا قايلة من البداية انك مبدعة ماشاء الله عليك بس ماتخبريني وانا احوس من كتاب لوصفة لنت عشان اسوي عجينة زي الاوادم ماحصلت وفي النهاية الحل عندك ينفع احطها بالعجانة بدل هالعجن تقولي في مصارعة حرة خبرك ماعاد فينا حيل اجسامنا فيها هشاشة وبلاوي الله يعافينا بس

[smsm]

هذاك اليوم امي قنصتني وانا اقرا موضوعك وجابت ورقه وقلم وسوتها وطبقتها بحذافيرها .. طلعت بيتزا تجنن


وقالت لي اشكري خويتك سمسمه المسمسمه.. منوين جابت خويتي مدري بس انتي اختي غصب عنك << عجييب قويه البنت


الموهيييييييييم كل نسوان العيله معهم الطريقه واسمها طريقه سمسم .. يابختك انشهرتي


اشكرك حبيبة قلبي .. لاخلا ولاعدم ان شاء الله

هههههههههههههههههه يابعد تشبدي ياخويتي اللي كانت سبب في شهرتي وظهور اسمي اللامع في سماء العجن،قصدي امك اللي كفشتك وانتي تهربين من العجن يالله ماعليه كلكم سبب في ظهور ي على مسرح العجائن،،،تدرين بكره بطلع بيتزا باسم (بيتزا سمسم )بس اخاف الناس مايشترونها يحسبونها كلها مليانه سمسم!!!الله العالم يمكن يضرب اسمي مثل بيتزا هت وإن،،
بوسي لي راس امك ياخويتي ،،الله لايحرمنا منك يا آآآآآآه ونص.

[smsm]

شكرا



عفـــــــــــــــوا

[smsm]

افا ياسمسة انا قايلة من البداية انك مبدعة ماشاء الله عليك بس ماتخبريني وانا احوس من كتاب لوصفة لنت عشان اسوي عجينة زي الاوادم ماحصلت وفي النهاية الحل عندك ينفع احطها بالعجانة بدل هالعجن تقولي في مصارعة حرة خبرك ماعاد فينا حيل اجسامنا فيها هشاشة وبلاوي الله يعافينا بس

هههه تسلمين ياوخيتي الإبداع استقيناه منك عزيزتي واكيد تقدرين تستخدمين العجانه بس انا ماتعودت عليها احب اخلص سريع سريع بدال مااجلس اغسل في العجانه ساعه وانتبهي ياوخيتي المصارعه الحره هذي لابد منها لايطير منك الرجال بدري عالهشاشه الله يعافيك ويعافينا،،

[كلي دلع]

تسلمين ياعمري

يعطيك الـــــــف عافيه

كلي دلع

[smsm]

تسلمين ياعمري

يعطيك الـــــــف عافيه

كلي دلع

الله يعافيك دلوعتي.

[دانة الدنيا]

سمسم وش لزوم الضرب والخبط
العجينه ماتجي بالرقه
ههههههههههههههههههههههههههههههههه
الله يعطيك العافيه
تسلم الايادي

[smsm]

سمسم وش لزوم الضرب والخبط
العجينه ماتجي بالرقه
ههههههههههههههههههههههههههههههههه
الله يعطيك العافيه
تسلم الايادي

هههه لازم الضرب والخبط لان العجينه ماتجي الا بالعين الحمرا وإلا ماتزين،،الله يعافيك عمري ويسلم ايديك وبالعافيه عليكم.

[ميمي الحلوه]

مشكوره اختي

[smsm]

مشكوره اختي

العفو اختي.