smsm
18-08-2008, 04:48 AM
أهلين ياحلوين..اليوم جايبة لكم قصه صراحه ماألفتها بس ماتخلو من بهاراتي اللي ذقتو طعمها في القصص السابقه عاد لاتقولون سامجه...
المهم أخوي يقول لي صديقه يقول له نسيبه يقوله عديله يقول له (هذا سند القصه ماأدري متنها والا عضودها ) المهم والعهده على الراوي انا مالي دخل بس عموما أنا مرت علي ويمكن مرت على أحد منكم الله العالم بس محتواها يقول.......
كان ياما كان كان فيه زوجه ضعيفه مسكينه برييييييييئه(مثل حالتي:confused:) طيب،،سمعت عن المملكه ماادري الفيصليه هي وحده من الثنتين(عاد انتم نقوا اللي تبون ،،،يااحليلي أمينه حتى في النقل(لاتقول حليو قل الله حلاك الحليو بسلمنا يعني خبل ..هذي لي) بس نقل شفهي ترا..مو مذيل بملتوووووووش!!!..
بأخش في القصه على طول عشان مااحوم كبودكم..الحرمه ابلشت رجالها ودنا للمملكه ودنا للمملكه (انا اخترت المملكه)اللي يقولونها يقولون فيها شين يهبل ..وهم طبعا كانو ساكنين بحايل بعد حيي ..قال زوجها وهو مميل عقاله ابشري يابعد تسبدي لأوديك للمملكه وسوريابعدأن بغيتي(خبيث يبي البنات:mad:)
المهم الحرمه جمعت عفشها والرجال ربط فرشهم على الوانيت ودنننننننننننن على الرياض( حبيبة ألبي)
وهي في الطريق متى نوصل متى نوصل الين ماشقصت ظهورهم في الوانيت ،،،وصلو الرياض .ووداها للمملكه والحرمه الخبله فتحت فمها بالسوق اللي ماقد شافت زيه وياقلبي وعمري ماشرت شي هذا كله تفرجه..الرجال جالس ينتظرها حاط رجل على رجل وبنت رايحه وبنت جايه الرجال انكسرت رقبته من كثر مايلتفت,,,وهو كان وسيم( بس مو مسمسم زيي يعني) يعني يبي له شوية ترتيب ورزه وشخصيه ويطلع آآآآآآآه ياناس..المهم مرت وحده من عنده من البنات من هذوليك اللي إياهم الله يحفظنا بس العبايه اللي مخصره مره والعطر اللي يصقع بالخشم وطبعا ماتغطت( وعلى سنقة عشره)،،مرت من عند الرجال وجلست تناظر فيه وتحدق النظر وكأنها بتقول شي الرجال المسكين قام مره يحط الرجل اليسرى على اليمنى ومره يحط الرجل اليمنى على اليسرى ويسحب المرزام على قدام ومتشقققق من الفرحه المهم قالت له ممكن اتعرف المهم خذت رقمه وأخذ رقمها والضعيفه المسكينه لازالت تدوج بالسوق تدربي راسها فيه مامقلت عيونها منه زين..قال يالله ياحرمه يالله ضفي عفشك ضفيه برجعكم لحايل عندي شغل قالت يابعد تسبدي ماتمقلت منه زين قال اقول يالله لايطير رزقي:rolleyes:
الرجال صار يكلم البنت والبنت تكلمه وهو ميت بدباديبها وهي تطبق دروسها عليه وقالت له أنا بصراحه حبيتك وأبيك تخطبني من أخوي الرجال ماصدق ماتوقع كيف هالجميله الغنيه ترضى بواحد مثلي بس كل هذا غاب عن باله في لحظه وقال بكره أخطبك من عنده بس هو وينه فيه..قالت أخوي تحصله بالمكتب الفلاني...طيب
رجع للرياض ورتب شكله شوي قصدي سم سم نفسه شوي ودخل على هذاك المكتب الطويل العريض الفخم وهو طايره عيونه مايصدق اللي يشوفه..المهم خطب البنت قال الأخو (والله اختي كلمتني عنك وانت رجال تستاهل وعلى بركة الله)(خوش اخو والله)..اتصل عليها وقال انا ماحيلتي الا هدومي اصبري علي شوي على بال ماأجمع قالت ياشيخ أحنا نشتري الرجال(هي صراحه ماقالت ياشيخ انا اللي قلتها بس هي قالت ياحبيبي طيب)
جاب ا خوها الشيخ وتملك الرجال ونسى انو عنده زوجه وعيال وجته حالة سباهه ..البنت قالت وش تنتظر ياحبيبي أنا حاجزه لنا على فرنسا ومنها على مدري وين ومنها على مدري وين المهم لفت به على دول العالم وعلى الفنادق الفخمه وهاتي ياهيصه وزيطه وزنبليطه (يعني رقص في البارات) الله لايبلانا..شهر تقريبا او شهرين(ماتلاحظون القصه صارت كلها اختيارات)(هذي لزوم امانة النقل) بعدها رجعو وجاء ابو الشباب معها بيدخل البيت ..
قالت ...هيـــــــــــــــــــــــــــــــه هنا وحـــــــــــــــــدك ياحبيبي ومثل مادخلت بالمعروف تطلع بالمعروف ..وأنت عارف قدرنا وأمكانياتنا و انصحك ما تدخل في مشاكل انت في غنى عنها وأنت الخسران طبعا ..الرجال وقف مذهول...قال طيب ليه كنت معك زي العسل...قالت ياحبيبي أنا أبيك تحللني لولد عمي اللي طلقني وانت أنتهى دورك باي باي...
ربط الرجال عفشه وفراشه في الوانيت(على فكره كان ملبقه قبل مايسافرون) ورجع لحايل بعد حيي..وعاش فصول لن ينساها ..ومره يطالع بوجه زوجته ويتذكر الحبيبه ومره يطالع بالبيت ويتذكر الفنادق الفخمه ..تهي تهي تهي
وتوته توته خلصت الحتوته
(على فكره القصه حقيقيه وتشوبها بعض الشوائب الله العالم وش هي)
على فكره/قرأت انه لايجوز الزواج بنية الطلاق..يعني فيه ناس كثير يسوون كذا وهو مايجوز انتبهو.
المهم أخوي يقول لي صديقه يقول له نسيبه يقوله عديله يقول له (هذا سند القصه ماأدري متنها والا عضودها ) المهم والعهده على الراوي انا مالي دخل بس عموما أنا مرت علي ويمكن مرت على أحد منكم الله العالم بس محتواها يقول.......
كان ياما كان كان فيه زوجه ضعيفه مسكينه برييييييييئه(مثل حالتي:confused:) طيب،،سمعت عن المملكه ماادري الفيصليه هي وحده من الثنتين(عاد انتم نقوا اللي تبون ،،،يااحليلي أمينه حتى في النقل(لاتقول حليو قل الله حلاك الحليو بسلمنا يعني خبل ..هذي لي) بس نقل شفهي ترا..مو مذيل بملتوووووووش!!!..
بأخش في القصه على طول عشان مااحوم كبودكم..الحرمه ابلشت رجالها ودنا للمملكه ودنا للمملكه (انا اخترت المملكه)اللي يقولونها يقولون فيها شين يهبل ..وهم طبعا كانو ساكنين بحايل بعد حيي ..قال زوجها وهو مميل عقاله ابشري يابعد تسبدي لأوديك للمملكه وسوريابعدأن بغيتي(خبيث يبي البنات:mad:)
المهم الحرمه جمعت عفشها والرجال ربط فرشهم على الوانيت ودنننننننننننن على الرياض( حبيبة ألبي)
وهي في الطريق متى نوصل متى نوصل الين ماشقصت ظهورهم في الوانيت ،،،وصلو الرياض .ووداها للمملكه والحرمه الخبله فتحت فمها بالسوق اللي ماقد شافت زيه وياقلبي وعمري ماشرت شي هذا كله تفرجه..الرجال جالس ينتظرها حاط رجل على رجل وبنت رايحه وبنت جايه الرجال انكسرت رقبته من كثر مايلتفت,,,وهو كان وسيم( بس مو مسمسم زيي يعني) يعني يبي له شوية ترتيب ورزه وشخصيه ويطلع آآآآآآآه ياناس..المهم مرت وحده من عنده من البنات من هذوليك اللي إياهم الله يحفظنا بس العبايه اللي مخصره مره والعطر اللي يصقع بالخشم وطبعا ماتغطت( وعلى سنقة عشره)،،مرت من عند الرجال وجلست تناظر فيه وتحدق النظر وكأنها بتقول شي الرجال المسكين قام مره يحط الرجل اليسرى على اليمنى ومره يحط الرجل اليمنى على اليسرى ويسحب المرزام على قدام ومتشقققق من الفرحه المهم قالت له ممكن اتعرف المهم خذت رقمه وأخذ رقمها والضعيفه المسكينه لازالت تدوج بالسوق تدربي راسها فيه مامقلت عيونها منه زين..قال يالله ياحرمه يالله ضفي عفشك ضفيه برجعكم لحايل عندي شغل قالت يابعد تسبدي ماتمقلت منه زين قال اقول يالله لايطير رزقي:rolleyes:
الرجال صار يكلم البنت والبنت تكلمه وهو ميت بدباديبها وهي تطبق دروسها عليه وقالت له أنا بصراحه حبيتك وأبيك تخطبني من أخوي الرجال ماصدق ماتوقع كيف هالجميله الغنيه ترضى بواحد مثلي بس كل هذا غاب عن باله في لحظه وقال بكره أخطبك من عنده بس هو وينه فيه..قالت أخوي تحصله بالمكتب الفلاني...طيب
رجع للرياض ورتب شكله شوي قصدي سم سم نفسه شوي ودخل على هذاك المكتب الطويل العريض الفخم وهو طايره عيونه مايصدق اللي يشوفه..المهم خطب البنت قال الأخو (والله اختي كلمتني عنك وانت رجال تستاهل وعلى بركة الله)(خوش اخو والله)..اتصل عليها وقال انا ماحيلتي الا هدومي اصبري علي شوي على بال ماأجمع قالت ياشيخ أحنا نشتري الرجال(هي صراحه ماقالت ياشيخ انا اللي قلتها بس هي قالت ياحبيبي طيب)
جاب ا خوها الشيخ وتملك الرجال ونسى انو عنده زوجه وعيال وجته حالة سباهه ..البنت قالت وش تنتظر ياحبيبي أنا حاجزه لنا على فرنسا ومنها على مدري وين ومنها على مدري وين المهم لفت به على دول العالم وعلى الفنادق الفخمه وهاتي ياهيصه وزيطه وزنبليطه (يعني رقص في البارات) الله لايبلانا..شهر تقريبا او شهرين(ماتلاحظون القصه صارت كلها اختيارات)(هذي لزوم امانة النقل) بعدها رجعو وجاء ابو الشباب معها بيدخل البيت ..
قالت ...هيـــــــــــــــــــــــــــــــه هنا وحـــــــــــــــــدك ياحبيبي ومثل مادخلت بالمعروف تطلع بالمعروف ..وأنت عارف قدرنا وأمكانياتنا و انصحك ما تدخل في مشاكل انت في غنى عنها وأنت الخسران طبعا ..الرجال وقف مذهول...قال طيب ليه كنت معك زي العسل...قالت ياحبيبي أنا أبيك تحللني لولد عمي اللي طلقني وانت أنتهى دورك باي باي...
ربط الرجال عفشه وفراشه في الوانيت(على فكره كان ملبقه قبل مايسافرون) ورجع لحايل بعد حيي..وعاش فصول لن ينساها ..ومره يطالع بوجه زوجته ويتذكر الحبيبه ومره يطالع بالبيت ويتذكر الفنادق الفخمه ..تهي تهي تهي
وتوته توته خلصت الحتوته
(على فكره القصه حقيقيه وتشوبها بعض الشوائب الله العالم وش هي)
على فكره/قرأت انه لايجوز الزواج بنية الطلاق..يعني فيه ناس كثير يسوون كذا وهو مايجوز انتبهو.